Premium Content

Add

پی ٹی آئی سربراہ انٹرا پارٹی انتخابات میں حصہ نہیں لیں گے، مروت

Print Friendly, PDF & Email

اسلام آباد:شیر افضل مروت نے کہا ہے کہ پاکستان تحریک انصاف (پی ٹی آئی) کے چیئرمین آئندہ انٹرا پارٹی انتخابات میں حصہ نہیں لیں گے۔

میڈیا سے گفتگو کرتے ہوئے پی ٹی آئی رہنما کا کہنا تھا کہ پارٹی چیئرمین نے انٹرا پارٹی الیکشن میں حصہ نہ لینے کا فیصلہ کیا ہے۔

پی ٹی آئی کی کور کمیٹی نے حال ہی میں الیکشن کمیشن آف پاکستان طرف سے 20 دن کی مدت کے اندر اندر پارٹی انتخابات کے شیڈول کی منظوری دی ہے۔ ان ہدایات پر عمل کرنے میں ناکامی سے پارٹی کے نشان ‘بلے’ کے ضبط ہونے کا خطرہ ہے۔

Don’t forget to Subscribe our Youtube Channel & Press Bell Icon.

پی ٹی آئی کے ترجمان، شعیب شاہین نے تصدیق کی کہ پارٹی نے ابھی تک سابق وزیر اعظم کے بطور چیئرمین کے جانشین کو حتمی شکل نہیں دی ہے۔ پارٹی کے وفد کی اڈیالہ جیل میں قید سابق وزیراعظم سے ملاقات کے بعد فیصلہ متوقع ہے۔

سابق وزیراعظم پارٹی چیئرمین کے لیے پارٹی کے کسی اور رکن کو نامزد کریں گے۔ میڈیا رپورٹس میں دعویٰ کیا گیا کہ پی ٹی آئی چیئرمین نے یہ پیغام پارٹی کی کور کمیٹی کو جیل سے پہنچایا۔

پی ٹی آئی چیئرمین ذاتی طور پر پارٹی کے تنظیمی امور سے متعلق فیصلوں کی منظوری دیں گے جس میں نئے چیئرمین کے نام کی توثیق اور پارٹی ٹکٹوں کی تقسیم شامل ہے۔

تاہم، پی ٹی آئی کے سینئر نائب صدر شیر افضل مروت نے منگل کو رات گئے تصدیق کی کہ بیرسٹر گوہر خان پاکستان تحریک انصاف کی چیئرمین شپ کے امیدوار ہوں گے۔

Leave a Comment

Your email address will not be published. Required fields are marked *

AD-1