پاکستان کا نیشنل ٹی بی پلان 2024-26 ملک میں ٹی بی کے خلاف جنگ میں ایک اہم موڑ ہے۔ اس سال ٹی بی کے عالمی دن کا تھیم”ہاں! ہم ٹی بی کو ختم کر سکتے ہیں” ہے۔ پاکستان جنوری میں طے شدہ اہداف سے پیچھے نہیں ہٹ سکتا جو کہ 2026 تک ہر سال 528,600 مریضوں کا علاج ہے۔ یہ بیماری، قابل علاج ہے اور قابل علاج ہونے کے باوجودگزشتہ دو سالوں میں ملک میں 600,000 سے زائد افراد کو متاثر کر چکی ہے۔ ایک افسوسناک حقیقت یہ ہے کہ ٹی بی پھیلنے کے حوالے سے پاکستان دنیا بھر میں پانچواں نمبر پر ہے۔ اس ماہ کے شروع میں، وفاقی سیکرٹری صحت نے بتایا کہ بچوں سمیت 2.2 ملین افراد اس بیماری کا شکار ہیں۔ ادویات کو استعمال نہ کرنا ، دیر سے بیماری کا پتہ چلنا، نامکمل علاج اور ناقص ہوادار علاقوں میں صحت کی معاونت کی عدم موجودگی کی وجہ سے، سالانہ بنیادوں پر تقریباً 15,000 لوگوں کی جانین لیتا ہے ۔ مزید برآں، ٹی بی کا خواتین پر غیر متناسب اثر پڑتا ہے، خاص طور پر دیہی ماحول میں رہنے والی، کیونکہ سماجی رویے صحت کی خدمات تک ان کی رسائی کو روکتے ہیں۔ لہذا، صنفی حقوق کے ساتھ مربوط پروگراموں اور پالیسیوں کو تشکیل دینا ضروری ہو جاتا ہے۔
ہمارے لوگ اس وقت تک اس سے گزرتے رہیں گے جب تک کہ اس مقصد کے لیے مستقل سیاسی وابستگی مزید فنڈز اور وسائل کے اہدافی استعمال کو یقینی نہیں بنایا جاتا ۔ گلوبل فنڈ کی طرف سے منظور شدہ 285 ملین ڈالر کی گرانٹ کے تحت ایچ آئی وی/ایڈز، ٹی بی اور ملیریا سے لڑنے میں مدد ملے گی۔ یہ بیماری کسی قوم کی ترقی کو متاثر کرتی ہے، اور اس کے صحت کے نظام اور سماجی اقتصادی صورتحال کو نقصان پہنچاتی ہے۔ لہٰذا، ٹی بی کے خاتمے کے لیے ایک مؤثر راستہ بیداری کی مہموں پر مشتمل ہے جس کا مرکز صحت کے یونٹوں کے لازمی دوروں کے ذریعے علاج کی تکمیل، تشخیصی سہولیات کو بہتر اور پھیلانا اور ان مسائل کے بارے میں معلومات پہنچانا ہے جن سے ٹی بی لگنے کے امکانات بڑھ جاتے ہیں، جیسے کیریئرز، ذیابیطس، غذائیت ،قوت مدافعت اور غربت۔ آخر میں، ہم آرام کا سانس لیں گے اگر بڑھتے ہوئے چیلنج پر تحقیق کرنے اور اعلیٰ صحت کی دیکھ بھال کی فراہمی کو تقویت دینے میں زیادہ سرمایہ کاری کی جائے۔
Don’t forget to Subscribe our Youtube Channel & Press Bell Icon.
