ایسی حکومت کے لیے جسے ابھی تک کسی ملک نے تسلیم نہیں کیا، افغانستان کے قائم مقام وزیر خارجہ امیر خان متقی کافی مصروف رہے ہیں۔
انہوں نے پاکستانی وزیر خارجہ کو ملاقات کی دعوت دی، بھارت کے وزیر خارجہ سے فون پر بات کی، اور ایران اور چین کا بھی دورہ کیا۔ بیجنگ میں انہوں نے ایک بار پھر پاکستانی وزیر خارجہ سے ملاقات کی۔ بدھ کو پاکستان اور چین کے ساتھ مشترکہ مذاکرات میں بھی شامل ہوئے۔
حالانکہ طالبان کے زیادہ تر پڑوسی ممالک کے ساتھ تعلقات پہلے سے کشیدہ ہیں اور پاکستان کے ساتھ اعتماد کم ہے، مگر امیر خان متقی کی سفارتی سرگرمیاں بہت زیادہ رہی ہیں۔
اقوام متحدہ اور زیادہ تر ممالک نے طالبان حکومت کو تسلیم نہیں کیا، مگر ماہرین کہتے ہیں کہ اس قسم کی سفارتی ملاقاتیں اس بات کی نشاندہی کرتی ہیں کہ طالبان بالکل تنہا نہیں ہیں۔
تو پھر سوال یہ پیدا ہوتا ہے کہ خطے کے کئی ممالک طالبان کے ساتھ بات چیت کیوں کر رہے ہیں، لیکن انہیں سرکاری طور پر تسلیم کیوں نہیں کر رہے؟
