تین ملکی ٹی20 سیریز کے افتتاحی میچ میں پاکستان نے افغانستان کو 39 رنز سے شکست دی۔ شارجہ میں کھیلے گئے میچ میں پاکستان نے پہلے بیٹنگ کرتے ہوئے مقررہ 20 اوورز میں 7 وکٹوں پر 182 رنز اسکور کیے اور حریف ٹیم کو 183 رنز کا ہدف دیا۔
پاکستان کی جانب سے کپتان سلمان علی آغا نے شاندار بیٹنگ کا مظاہرہ کرتے ہوئے ناقابلِ شکست 53 رنز بنائے اور پلیئر آف دی میچ قرار پائے۔ دیگر نمایاں اسکوررز میں صاحبزادہ فرحان اور محمد نواز 21، فخر زمان 20، جبکہ محمد حارث، فہیم اشرف اور صائم ایوب نے بالترتیب 15، 14 اور 14 رنز شامل کیے۔
ہدف کے تعاقب میں افغانستان کی ٹیم 143 رنز پر ڈھیر ہوگئی۔ کپتان راشد خان 39، رحمان اللہ گرباز 38، صدیق اللہ 23 اور درویش رسولی 21 رنز کے ساتھ نمایاں رہے، تاہم دیگر بلے باز خاطر خواہ کارکردگی نہ دکھا سکے۔
پاکستان کے بولرز میں حارث رؤف سب سے کامیاب رہے جنہوں نے 4 وکٹیں حاصل کیں، جبکہ شاہین شاہ آفریدی، محمد نواز اور سفیان مقیم نے 2،2 کھلاڑیوں کو پویلین کی راہ دکھائی۔ افغانستان کے فرید احمد نے 2 اور دیگر گیند بازوں نے ایک ایک وکٹ لی۔
سیریز کی تیسری ٹیم متحدہ عرب امارات ہے جو اپنا اگلا میچ پاکستان کے خلاف کھیلے گی۔
