خیبرپختونخوا کے ضلع لکی مروت میں پولیس چوکی 15 گنڈی چوک پر رات گئے دہشت گردوں نے حملہ کر دیا۔
پولیس کے مطابق حملے میں دہشت گردوں نے چھوٹے اور بھاری ہتھیاروں کا استعمال کیا، جس کے نتیجے میں چوکی کا مین گیٹ مکمل طورپرتباہ ہوگیا۔
فائرنگ کے تبادلے میں ایک مقامی شہری گولی لگنے سے جاں بحق ہو گیا جبکہ ایک پولیس اہلکاراورچوکی کا چوکیدارزخمی ہوگئے، زخمیوں کوفوری طورپرقریبی اسپتال منتقل کردیا گیا ہے۔
پولیس حکام کا کہنا ہے کہ حملہ اچانک کیا گیا اورجوابی کارروائی سے دہشت گرد فرارہو گئے، علاقے میں سرچ آپریشن جاری ہے، قانون نافذ کرنے والے اداروں نے سکیورٹی مزید سخت کردی ہے۔
پولیس نے واقعے کو دہشت گردی قراردیتے ہوئے تحقیقات کا آغازکردیا ہے جبکہ شہریوں سے مشکوک حرکات کی اطلاع فوری دینے کی اپیل کی گئی ہے۔
