بلوچستان کے علاقے بارکھان میں بس سے 7 مسافروں کو اتار کر قتل کر دیا گیا۔
ڈپٹی کمشنر بارکھان وقار خورشید عالم کے مطابق کوئٹہ سے فیصل آباد جانے والی مسافر بس کو بارکھان کی تحصیل رکھنی میں ڈیرہ غازی خان سے ملانے والی شاہراہ پر نشانہ بنایا گیا۔
ڈی سی بارکھان نے بتایا کہ مسلح افراد نے بس میں سوار افراد کے شناختی کارڈ چیک کرنے کے بعد 7 مسافروں کو اتارا اور انہیں گولیاں مار دیں۔
واقعہ کے بعد لیویز اور دیگر سکیورٹی فورسز کی بھاری نفری علاقے کی طرف روانہ کی گئی۔ واقعہ کے بعد لورالائی، کنگری اور قریبی علاقوں کے مختلف مقامات پر مسافر بسوں اور گاڑیوں کو انتظامیہ نے احتیاطاً روک دیا ہے۔
بس میں سوار ایک مسافر ذیشان نے بتایا کہ دس بارہ مسلح افراد نے بس کو روکا ، ملزمان نے میرے بھائی عدنان کو شناختی کارڈ دیکھنے کے بعد بس سے اتار کر قتل کر دیا۔
