بانی پی ٹی آئی عمران خان اور ان کی اہلیہ بشریٰ بی بی کے خلاف توشہ خانہ ٹو کیس کی سماعت آج اڈیالہ جیل میں ہونے کے بجائے جوڈیشل کمپلیکس اسلام آباد میں ہو گی۔
اس حوالے سے عدالتی عملے کی جانب سے وکیل بانی پی ٹی آئی خالد یوسف چودھری کو آگاہ کر دیا گیا ہے۔
خالد یوسف چودھری نے کہا ہے کہ توشہ خانہ کیس کی آخری باری جیل میں سماعت 17 فروری کو ہوئی تھی، کبھی مقدمات کوبرق رفتاری سے چلایا جاتا ہے اور کبھی سست کر دیا جاتا ہے۔
عمران خان کے وکیل کا مزید کہنا تھا کہ جب بانی پی ٹی آئی کو سزا سنانی ہو تو آدھی رات تک ٹرائل چلایا جاتا ہے۔
