خیبر پختونخوا کے علاقے ٹانک میں سکیورٹی فورسز کے آپریشن میں 3 خوارج مارے گئے۔
پاک فوج کے شعبہ تعلقات عامہ (آئی ایس پی آر) کے مطابق مارے جانے والے خوارج کے قبضے سے اسلحہ و گولہ بارود برآمد ہوا۔ ہلاک دہشت گرد معصوم شہریوں اور فورسز پر حملوں میں ملوث تھے۔
ترجمان پاک فوج نے کہا کہ سکیورٹی فورسز دہشت گردی کے خاتمے کے لیے پرعزم ہیں۔
صدر مملکت آصف علی زرداری اور وزیر اعظم شہباز شریف نے خوارج کے خلاف آپریشن پر سکیورٹی فورسز کو خراج تحسین پیش کیا۔
آصف علی زرداری نے کہا کہ دہشت گردی کے خاتمے تک دہشت گردوں کے خلاف کارروائیاں جاری رہیں گی۔ اور قوم دہشت گردی کے خلاف جنگ میں اپنی سکیورٹی فورسز کے ساتھ کھڑی ہے۔
وزیر اعظم شہباز شریف نے کہا کہ قوم دہشت گردی کے خلاف جنگ میں سکیورٹی فورسز کے ساتھ کھڑی ہے۔ اور ملک سے ہر قسم کی دہشت گردی کے مکمل خاتمے کے لیے پر عزم ہیں۔
