واشنگٹن: امریکی صدر ڈونلڈ ٹرمپ نے اوریگون کے شہر پورٹ لینڈ میں فوج تعینات کرنے کا حکم دے دیا، اور کہا کہ امیگریشن حراستی مراکز کے باہر احتجاج کو دبانے کے لئے ضرورت پڑنے پر “فل فورس” استعمال کی جائے گی۔
ٹرمپ نے سوشل میڈیا پر لکھا کہ انہوں نے سیکرٹری آف وار پیٹ ہیگستھ کو ہدایت دی ہے کہ امیگریشن اینڈ کسٹمز انفورسمنٹ (ICE) کی سہولیات کو “انتفا اور گھریلو دہشت گردوں” کے حملوں سے بچانے کے لئے تمام ضروری فوجی تعینات کئے جائیں۔
ڈیموکریٹ رہنماؤں نے فیصلے کو غیر ضروری قرار دیا۔ اوریگون کی گورنر ٹینا کوٹیک نے کہا کہ “ہماری برادریاں محفوظ اور پرسکون ہیں۔” پورٹ لینڈ کے میئر نے بھی کہا کہ “ضروری فوجیوں کی تعداد صفر ہے۔”
وزارتِ داخلہ کے مطابق مظاہرین نے ICE مراکز پر حملے کئے اور عملے کو دھمکیاں دیں، جبکہ درجنوں افراد پر آتشزنی اور تشدد کے مقدمات درج کئے گئے۔
کچھ ریپبلکن رہنماؤں نے ٹرمپ کی حمایت کی اور شہر کو “جرائم زدہ جنگی علاقہ” قرار دیا۔ ماہرین قانون نے خبردار کیا ہے کہ یہ اقدام امریکی آئین کی خلاف ورزی ہو سکتا ہے اور ماضی کی طرح ایک نئے آئینی بحران کو جنم دے سکتا ہے۔
