مذاکرات کے لیے تیار ہیں، خدشہ ہےکہ پی ڈی ایم تاخیر کے لیے مذاکرات کا راستہ اختیار کر رہی ہے،شاہ محمود

تحریک انصاف کے وائس چیئرمین شاہ محمود قریشی کا کہنا ہےکہ سیاسی پارٹیوں میں گفتگو آگے نہیں بڑھتی تو 14 مئی کو الیکشن کا فیصلہ برقرار رہےگا۔

ملتان میں میڈیا سے گفتگو کرتے ہوئے شاہ محمود قریشی کا کہنا تھا کہ ہم مذاکرات کے لیے تیار ہیں، خدشہ ہےکہ پی ڈی ایم تاخیر کے لیے مذاکرات کا راستہ اختیار کر رہی ہے۔

شاہ محمود قریشی کا کہنا تھا کہ سپریم کورٹ نے آئینی بحران کو نکالنے کے لیے ایک راستہ  دیا ہے، مذاکرات کے لیے شرط صرف یہ ہےکہ ہمارے مذاکرات آئین کے اندر  رہ کر ہوں گے، آئی ایم ایف کے ساتھ معاہدہ ہوتا ہوا نظر نہیں آرہا۔

https://www.daraz.pk/shop/3lyw0kmd

بلاول کے مجوزہ دورہ بھارت پر ان کا کہنا تھا کہ اگر بلاول بھارت جا رہے ہیں تو امید ہے وہ مقبوضہ کشمیر کو نہیں بھولیں گے، دس بارہ سال بعدپاکستان کا وزیر خارجہ بھارت جا رہا ہے، امید ہے وہ بھارت میں اقلیتوں پر تشدد کے خلاف بھی آواز  اٹھائیں گے۔