پولیس نے بتایا ہےکہ کوئٹہ کے علاقے آغابرگ میں بلوچستان کاؤنٹر ٹیررازم ڈیپارٹمنٹ (سی ٹی ڈی) کی کارروائی کے دوران کالعدم تحریک طالبان پاکستان (ٹی ٹی پی) کے پانچ مبینہ دہشت گرد مارے گئے۔
سی ٹی ڈی کی جانب سے جاری کردہ ایک بیان کے مطابق، ٹی ٹی پی کے ایک مبینہ دہشت گرد، جس کی شناخت نصیب اللہ کے نام سے ہوئی، کی جانب سے فراہم کردہ معلومات پر آپریشن کی منصوبہ بندی کی گئی تھی، جو زیر حراست تھا۔
سی ٹی ڈی نے مزید کہا کہ تفتیش کے دوران اس نے کوئٹہ میں اپنے ساتھیوں کی موجودگی کا انکشاف کیا کہ وہ جلد کوئٹہ میں دہشت گردی کی کارروائی کرنے کی پیشگی منصوبہ بندی کر رہے تھے۔
بیان میں کہا گیا ہے کہ آپریشن کی منصوبہ بندی کی گئی اور دہشت گردوں کی شناخت گرفتار ملزم کی جانب سے فراہم کردہ معلومات پر کی گئی جسے ایف آئی آر نمبر 84-2023 میں نامزد کیا گیا تھا۔
آپریشن کی تفصیلات بتاتے ہوئے سی ٹی ڈی کے بیان میں کہا گیا کہ جب پولیس ٹی ٹی پی کے ٹھکانے کے باہر حفاظتی حصار قائم کر رہی تھی، دہشت گردوں نے اندھا دھند فائرنگ کی اور فرار ہونے کی کوشش کی۔
Don’t forget to Subscribe our Youtube Channel & Press Bell Icon.
انہوں نے مزید کہاکہ دو دہشت گردوں نے موٹر سائیکل پر فرار ہونے کی کوشش کی لیکن چھاپہ مار پارٹی نے احتیاطی تدابیر اختیار کی اور جوابی کارروائی کی۔اضافی فورس کو بلایا گیا اور فرار ہونے والے دہشت گردوں کو قابو کر لیا گیا۔
اس کے نتیجے میں، سی ٹی ڈی نے کہا، ٹی ٹی پی کے چار عسکریت پسند مارے گئے، جب کہ گرفتار ملزم اپنے ساتھیوں کی فائرنگ سے شدید زخمی ہوا۔اسے ہسپتال لے جایا گیا لیکن وہ زخموں کی تاب نہ لاتے ہوئے چل بسا۔انہوں نے مزید کہا کہ جائے وقوعہ سے بھاری مقدار میں گولہ بارود اور دھماکہ خیز مواد برآمد کیا گیا جس میں ایک خودکش جیکٹ، پانچ دستی بم، دو پستول، ایک رائفل، دو موٹر سائیکلیں شامل ہیں۔
بیان میں واضح کیا گیا کہ ہلاک ہونے والے مبینہ دہشت گرد کچلاک میں ایگل اسکواڈ اور سی ٹی ڈی کے اہلکاروں اور کچلاک بائی پاس پر فرنٹیر کور کے اہلکاروں کے قتل میں ملوث تھے۔
