بابائے قوم قائداعظم محمد علی جناح کی 75ویں برسی آج عقیدت و احترام سے منائی جا رہی ہے۔
اس سلسلے میں کراچی میں مزار قائد پر قرآن خوانی اور فاتحہ خوانی ہوگی۔
قائداعظم محمد علی جناح 1948 میں آج ہی کے دن قوم کے لیے آزادی حاصل کرنے کے فوراً بعد انتقال کر گئے۔
صدر مملکت ڈاکٹر عارف علوی نے پاکستان کو قائداعظم محمد علی جناح کے ویژن کے مطابق جدید اسلامی فلاحی ریاست بنانے کے عزم کا اعادہ کیا ہے۔
قائداعظم کے یوم وفات کے موقع پر اپنے پیغام میں انہوں نے کہا کہ پاکستان کی ترقی کے لیے ہمیں بانی پاکستان کے سنہری اصولوں پر عمل کرنا ہو گا۔ انہوں نے کہا کہ خواتین، نوجوانوں اور معاشرے کے کمزور طبقات کی فلاح و بہبود کے لیے کام کرنے کی ضرورت ہے۔
صدر مملکت نے کہا کہ پاکستان کو عظیم ملک بنانے کے لیے تعلیم کی فراہمی اور غربت کے خاتمے پر توجہ مرکوز کی جانی چاہیے۔
Don’t forget to Subscribe our Youtube Channel & Press Bell Icon.
قائد اعظم محمد علی جناح کے یوم وفات پر اپنے پیغام میں نگراں وزیر اعظم انوار الحق کاکڑ نے کہا کہ بانی پاکستان کو خراج عقیدت پیش کرنے کا پاکستان کو اسلامی فلاحی ریاست بنانے سے بہتر کوئی طریقہ نہیں ہے۔
انوار الحق کاکڑ نے کہا کہ ہمیں ہر قسم کے اختلافات کو ختم کرکے پاکستان کی ترقی کے لیے دن رات مل کر کام کرنا ہے۔
انہوں نے کہا کہ پاکستان اس وقت مشکل دور سے گزر رہا ہے اور ہمیں بانی قوم کے اصولوں پر ہمیشہ کی طرح عمل کرنے کی ضرورت ہے۔
گورنر سندھ کامران ٹیسوری، نگراں وزیراعلیٰ جسٹس ریٹائرڈ مقبول باقر اور سندھ کابینہ کے ارکان نے آج کراچی میں بابائے قوم قائداعظم محمد علی جناح کے مزار پر حاضری دی۔
انہوں نے پھولوں کی چادر چڑھائی اور فاتحہ خوانی کی۔
اس موقع پر انہوں نے اس عزم کا اظہار کیا کہ ملک کو معاشی استحکام کی طرف لے جانے کے لیے قائداعظم محمد علی جناح کی تعلیمات اور وژن پر عمل پیرا ہوں گے۔
