ڈبلیو ایچ او کے سربراہ نے کہا ہے کہ فلسطینی ہلال احمر سوسائٹی کی طرف سے غزہ کے القدس ہسپتال کو انخلاء کے خطرات سے متعلق رپورٹ گہری تشویشناک ہے۔
ٹیڈروس گیبریئس نے ایکس پر کہا۔ہم اعادہ کرتے ہیں – مریضوں سے بھرے ہسپتالوں کو ان کی زندگیوں کو خطرے میں ڈالے بغیر خالی کرنا ناممکن ہے۔ انہوں نے مزید کہا کہ صحت کی دیکھ بھال کو ہمیشہ بین الاقوامی انسانی قانون کے تحت تحفظ فراہم کیا جانا چاہیے۔
قبل ازیں، فلسطینی ہلال احمر سوسائٹی نے کہا تھا کہ اسرائیل نے غزہ میں طبی مرکز کو بمباری کی دھمکی دی ہے اور فوری طور پر انخلاء کا مطالبہ کیا ہے۔
Don’t forget to Subscribe our Youtube Channel & Press Bell Icon.
انسانی حقوق کی تنظیم نے ایکس پر کہا ہمیں قابض حکام کی طرف سے غزہ کی پٹی میں القدس ہسپتال کو فوری طور پر خالی کرنے کی سنگین دھمکیاں موصول ہوئی ہیں ۔
انٹرنیشنل فیڈریشن آف ریڈ کراس اینڈ ریڈ کریسنٹ سوسائٹیز نے بھی اس معاملے پر تشویش کا اظہار کرتے ہوئے کشیدگی میں کمی پر زور دیا۔
