مردان کی ضلعی سیشن عدالت نے ہفتہ کو قومی اسمبلی کے سابق سپیکراور پاکستان تحریک انصاف (پی ٹی آئی) کے رہنما اسد قیصر کی 9 مئی کے مقدمے میں ضمانت منظور کر لی۔
مردان کی ڈسٹرکٹ اینڈ سیشن کورٹس کے جج محمد زیب نے اسد قیصر کی ایک لاکھ روپے کے مچلکوں کے عوض ضمانت منظور کی۔
پاکستان تحریک انصاف (پی ٹی آئی) کے رہنما اسد قیصر کو چارسدہ پولیس نے 24 نومبر کو دوبارہ گرفتار کیا تھا۔
Don’t forget to Subscribe our Youtube Channel & Press Bell Icon.
پولیس سابق سپیکر قومی اسمبلی اسد کو توڑ پھوڑ کیس میں گرفتار کر کے سخت حفاظتی انتظامات میں چارسدہ لے گئی تھی۔
اس سے قبل ایبٹ آباد کی انسداد بدعنوانی عدالت نے پاکستان تحریک انصاف (پی ٹی آئی) کے رہنما اسد قیصر کی کرپشن کیس میں ضمانت منظور کی۔
اسد قیصر پر گجو خان میڈیکل کالج کے آلات کی خریداری میں کرپشن کا الزام ہے۔ پولیس نے انہیں 3 نومبر کو اسلام آباد بنی گالہ سے گرفتار کیا تھا۔
