لاہور: نگراں وزیراعظم انوار الحق کاکڑ نے رائے دی ہےکہ 9 مئی کے پرتشدد واقعات میں ملوث افراد کو عوامی عہدہ نہیں رکھنا چاہیے۔
نجی نیوز کو انٹرویو دیتے ہوئے وزیر اعظم کاکڑ نے کہا کہ کسی سیاسی جماعت کو انتخابی سرگرمیوں میں حصہ لینے سے نہیں روکا جانا چاہیے۔’’اگر کوئی فریق رکاوٹ بنتا ہے تو یہ ایک غیر قانونی فعل ہے جس کی تحقیقات ہونی چاہیے‘‘۔
کاکڑ نے واضح کیا کہ تحریک انصاف کو جلسے کرنے سے روکنے کی کوئی پالیسی نہیں ہے۔ انہوں نے اس بات پر بھی زور دیا کہ نگرانوں نے پی ٹی آئی کے بانی کی تصویر میڈیا میں دکھانے پر کوئی پابندی نہیں لگائی۔
وزیر اعظم نے نشاندہی کی کہ انتخابی مہم کے دوران، سیاسی جماعتیں اکثر ایک دوسرے کو تنقید کا نشانہ بناتے ہیں، اور الزامات صرف نگرانوں کے خلاف ہی نہیں، ماضی کی تمام حکومتوں پر بھی لگتے رہے ہیں۔
پی ایم کاکڑ نے مزید کہا کہ شفاف انتخابات کے انعقاد کے لیے نگراں حکومت اور الیکشن کمیشن آف پاکستان کے درمیان مضبوط کورابطہ موجود ہے۔
انہوں نے یقین دلایا کہ نگران حکومت ملک میں منصفانہ انتخابات کے لیے تمام ذمہ داریاں پوری کرے گی۔
کاکڑ نے یہ بھی نوٹ کیا کہ 9 مئی کے پرتشدد واقعات میں ملوث افراد کو اس وقت قانون کا سامنا ہے۔
Watch details of the survey in the YouTube link and subscribe the channel for detailed political analysis
