وزیر دفاع خواجہ آصف نے کہا ہے کہ وزیراعلیٰ علی امین گنڈاپور خود بانی پی ٹی آئی عمران خان کی جگہ لینا چاہتے ہیں۔
نجی ٹی وی سے گفتگو کرتے ہوئے انہوں نے کہا کہ علی امین چار دیواری میں الگ زبان استعمال کرتے ہیں اور اسٹیج پر آکر مولا جٹ بن جاتے ہیں۔ وزیراعظم شہباز شریف سے ملاقات میں تو وہ پوری شوگر مل بنے ہوئے تھے۔
خواجہ آصف کا کہنا تھا کہ پاکستان تحریک انصاف کی قیادت خاص طور پر خیبر پختونخوا کے رہنما نہیں چاہتے ہیں کہ بانی پی ٹی آئی عمران خان جیل سے باہر آئیں۔ یہ سب ایک دوسرے کو استعمال کر رہے ہیں۔
انہوں نے مزید کہا کہ علی امین گنڈاپور خود بانی پی ٹی آئی کی جگہ لینا چاہتے ہیں۔ ان کے اسٹیب سے رابطے ہیں مگر بانی پی ٹی آئی سمجھتے ہیں کہ یہ رابطے ان کے کام آئیں گے۔
