امریکہ میں ریاست لوزیانا میں برڈ فلو سے پہلی موت کی تصدیق ہوگئی۔
امریکی محکمہ صحت کے مطابق ریاست لوزیانا میں ایچ 5 این1، برڈ فلو سے متاثرہ شخص اسپتال میں انتقال کرگیا، 65 سالہ شخص میں مرغیوں سے برڈ فلو منتقل ہوا۔
یاد رہےکہ امریکہ کی ریاست کیلی فورنیا سے تعلق رکھنے والے ایک بچے میں صحت حکام نے برڈ فلو کی تصدیق کی ہے، یہ امریکہ میں کسی بچے میں رپورٹ ہونے والا پہلا کیس ہے۔
ریاستی حکام کا کہنا ہے کہ بچہ المیڈا کاؤنٹی میں رہتا ہے اور ڈے کیئر جاتا ہے، حکام نے مزید تفصیلات فراہم نہیں کی ہیں، امریکہ میں رواں سال برڈ فلو کے کیس کی تعداد 55 ہو گئی ہے۔
