ترجمان دفتر خارجہ نے کہا ہے کہ پاکستان امریکی کارروائی کو جانبدارانہ اور سیاسی طور پر محرک سمجھتا ہے۔ ماضی میں تجارتی اداروں کی اسی طرح کی فہرستیں شک پر مبنی تھیں۔
ترجمان دفترخارجہ کی جانب سے جاری بیان میں کہا گیا ہے کہ کچھ ممالک عدم پھیلاؤ کے اصولوں پر عمل پیرا ہونے کا دعوی کرتے ہیں۔ ایسے ملک پسندیدہ ریاستوں کے لیے جدید ملٹری ٹیکنالوجیز کے لائسنس کی ضروریات کو معاف کر چکے ہیں۔
انہوں نے کہا کہ دہرے معیارات اور امتیازی طرز عمل عالمی عدم پھیلاؤ کی ساکھ کو نقصان پہنچاتے ہیں۔ ایسے عمل عدم توازن میں اضافہ اور بین الاقوامی سلامتی کو خطرے میں ڈالتے ہیں۔
دفتر خارجہ نے پاکستان کے میزائل پروگرام سے تعلق کے الزام پر امریکی پابندیوں پر ردعمل دیتے ہوئے کہا ہے کہ پاکستان امریکی کارروائی کو جانبدارانہ اور سیاسی طور پر محرک سمجھتا ہے۔ ماضی میں تجارتی اداروں کی اسی طرح کی فہرستیں شک پر مبنی تھیں۔
