لاہور: انسداد دہشت گردی کی عدالت نے سرور روڈ پولیس کو کور کمانڈر ہاؤس حملہ کیس میں پی ٹی آئی خواتین فیشن ڈیزائنر خدیجہ شاہ، صنم جاوید، طیبہ عنبرین، سابق ایم این اے عالیہ حمزہ اور دیگر 77 ملزمان کا مزید جسمانی ریمانڈ مسترد کردیا۔
تفتیشی افسر نے ملزمان کو عدالت میں پیش کیا اور تفتیش مکمل کرنے کے لیے ان کے جسمانی ریمانڈ میں توسیع کی استدعا کی۔
تاہم دفاعی وکلاء نے مزید ریمانڈ کی مخالفت کرتے ہوئے کہا کہ ملزمان کی تحویل سے کچھ برآمد نہیں ہوا۔ ان کا کہنا تھا کہ پولیس کے پاس ریمانڈ لینے کی کوئی معقول وجہ نہیں ہے۔
Don’t forget to Subscribe our Youtube Channel & Press Bell Icon.
جج اعجاز احمد بٹر نے پولیس کی درخواست مسترد کرتے ہوئے ملزمان کو جوڈیشل ریمانڈ پر جیل بھیج دیا۔
علاوہ ازیں اے ٹی سی کے جج عبہرگل خان نے بھی شادمان پولیس کو تھانہ جلانے کے مقدمے میں سابق سینئر صوبائی وزیر میاں محمود الرشید کا مزید ریمانڈ دینے سے انکار کرتے ہوئے انہیں جوڈیشل ریمانڈ پر جیل بھیج دیا۔
پولیس نے ایف آئی آر میں پاکستان پینل کوڈ (پی پی سی) کی دفعہ 121، 131 اور 146 کے تحت 9 مئی کو تمام مقدمات میں نئے جرائم کے اضافے کے بعد ملزمان کا تازہ ریمانڈ حاصل کیا تھا۔
مقدمات میں پی پی سی کی دفعہ 120، 120-اے، 120بی، 121-اے، 505، 153، 153-اے، 153-بی اور 107 کے تحت دیگر جرائم بھی شامل کیے گئے تھے، جن میں عسکری ٹاور، شادمان تھانے پر حملے بھی شامل تھے ۔
