بھارتی حکام کے مطابق، برفانی جھیل ٹوٹنے سے ہلاکتوں کی تعداد کم از کم 10 ہو گئی ہے، جب کہ 82 دیگر افراد لاپتہ ہیں۔
ہندوستانی فوج کے ایک ترجمان ہمانشو تیواری نے اے ایف پی کو بتایا کہ سیلاب کے پانی نے ریاست کے چار اضلاع میں تباہی مچا دی ہے، جس نے لوگوں، سڑکوں اور پلوں کو بہا دیا ہے۔حکام نے بتایا کہ سڑکوں کو شدیدنقصان پہنچا ہے اور 14 پل بہہ گئے ہیں۔
Don’t forget to Subscribe our Youtube Channel & Press Bell Icon.
سکم ریاست کے چیف سکریٹری وجے بھوشن پاٹھک نے میڈیا کو بتایاہے کہ اب تک دس لاشیں نکالی جا چکی ہیں، اور 82 لوگ لاپتہ ہیں، جن میں فوجی اہلکار بھی شامل ہیں۔
فوج نے بتایا کہ لاپتہ ہونے والوں میں 22 فوجی بھی شامل ہیں۔ پہلے لاپتہ ہونے والے ایک فوجی کو بچا لیا گیا تھا۔ پانی میں اضافہ شدید بارش کے بعد اونچائی والی لوناک جھیل کے ٹوٹنے کے بعد ہوا، جو کہ دنیا کے تیسرے سب سے اونچے پہاڑ، ارد گرد چوٹیوں میں ایک گلیشیر کی بنیاد پر ہے۔
