الیکشن کمیشن آف پاکستان نے عام انتخابات کے حوالے سے راولپنڈی کمشنر کی جانب سے لگائے گئے الزامات کی تحقیقات کے لیے اعلیٰ سطحی کمیٹی تشکیل دینے کا فیصلہ کیا ہے۔
اس حوالے سے فیصلہ اسلام آباد میں ہونے والے الیکشن کمیشن کے اجلاس میں کیا گیا۔ اجلاس میں کمیشن کے ممبران نے شرکت کی۔
چیف الیکشن کمشنر سکندر سلطان راجہ اور ممبر پنجاب بابر حسن بھروانہ نے آن لائن اجلاس میں شرکت کی۔
اجلاس میں فیصلہ کیا گیا کہ الیکشن کمیشن کے سینئر رکن کی سربراہی میں قائم کمیٹی راولپنڈی کےڈسٹرکٹ ریٹرننگ آفیسر اور ریٹرننگ افسران کے بیانات ریکارڈ کرے گی۔
کمیٹی کو تین دن میں اپنی رپورٹ الیکشن کمیشن کو پیش کرنے کا ٹاسک دیا گیا ہے۔
Don’t forget to Subscribe our Youtube Channel & Press Bell Icon.
