Premium Content

بلاگ تلاش کریں۔

مشورہ

حکومت نےبجلی صارفین پرماہانہ فکسڈچارجز عائد کر دیے

Print Friendly, PDF & Email

اسلام آباد: نیپر ا نے بجلی  کے بنیادی ٹیرف میں اضافے کے معاملے  پرصارفین پر  فکسڈ چارجز عائد کر دیئے۔

فکس چارجز صارفین کے بنیادی ٹیرف میں شامل کیے گئے ہیں، بجلی کے بنیادی ٹیرف میں 5 روپے 72 پیسے فی یونٹ اضافہ کیا گیا ہے، گھریلو بجلی صارفین پر ماہانہ 200 تا ہزار روپے فکس چارجز عائد کیے گئے ہیں۔

نیپرا کی جانب سے بجلی کے نئے ٹیرف متعارف کروا گئے ہیں جن کا اطلاق یکم جولائی سے ہو گا، گھریلو صارفین کے لیے ماہانہ یونٹس کے لحاظ سے 200 سے ایک ہزار روپے ماہانہ چارجز مقرر کیے گئے ہیں۔

کمرشل صارفین پر مقررہ چارجز میں 300 فیصد اور صنعتی استعمال پر 355 فیصد تک کا اضافہ کیا گیا ہے جبکہ ڈسکوز کو مقررہ چارجز کے ذریعے اپنی آمدنی بڑھانے میں مدد ملے گی۔

گھریلو صارفین جو301سے 400 یونٹ استعمال کریں گے یکم جولائی سے 200 روپے چارجز ادا کریں گے، 401سے 500 یونٹ استعمال کرنے والےصارفین  400 روپے ادا کریں گے۔

اسی طرح 501 سے 600 تک بجلی استعمال کرنے والے صارفین کو 600 روپے ادا کرنا ہوں گے جبکہ 601 سے 700 یونٹس تک استعمال کرنے والے گھریلو صارفین ماہانہ 800 روپے ادا کریں گے۔

اسی طرح 700 یونٹ سے زیادہ استعمال کرنے والے گھریلو صارفین ماہانہ 1000 روپے چارجز ادا کریں گے اور ٹائم آف یوز میٹر استعمال کرنے والے گھریلو صارفین بھی ماہانہ 1000 روپے مقررہ چارجز ادا کریں گے۔

پانچ کلو واٹ سے کم لوڈ والے کمرشل صارفین ماہانہ 1000 روپے چارجز ادا کریں گے اور 5 کلو واٹ یا اس سے زیادہ لوڈ والے بجلی کے کمرشل صارفین 2000 روپے دیں گے۔

ٹی او یو میٹرنگ کے تحت 25 کلو واٹ تک استعمال کرنے والے صنعتی صارفین 1000 روپے ادا کریں گے جبکہ بی ٹو درجے کے صارفین 500 کلو واٹ تک کے صارفین 2000 روپے ادا کریں گے۔

پانچ ہزار کلو واٹ استعمال کرنے والے بی 3 درجےکے صنعتی صارفین 2000 روپے مقررہ چارجز ادا کریں گے اور بی 4 درجے کے صارفین بھی مقررہ چارجز 2000 روپے ماہانہ ادا کریں گے۔

Don’t forget to Subscribe our Youtube Channel & Press Bell Icon.

Leave a Comment

Your email address will not be published. Required fields are marked *

Latest Videos