کراچی کے علاقے محمود آباد میں گھر میں گیس سلنڈر پھٹنے سے ایک بچی جاں بحق اور 3 افراد جھلس کر زخمی ہوگئے۔
امدادی ٹیم کے مطابق عمارت کی تیسری منزل پر سلنڈر کا دھماکہ ہوا، دھماکے سے گھر کی چھت بھی گر گئی۔
امدادی ٹیم کے مطابق دھماکے میں میاں بیوی اور دو بچے زخمی ہوئے، تمام زخمیوں کو علاج کے لیے اسپتال منتقل کیا گیا جہاں ایک سالہ بچی نور فاطمہ جاں بحق ہوئی۔
امدادی ٹیم کا کہنا ہے کہ عمارت کے فلیٹ میں بہت سارے سلنڈرموجود تھے اور وہاں آگ جلانے والے لائیٹر کی ری فل نگ کا کام ہورہا تھا۔
