وزیراعلیٰ خیبرپختونخوا سہیل آفریدی نے اعلان کیا ہے کہ قبائلی اضلاع کی بہتری کے لیے ایک ہزار ارب روپے کا خصوصی ترقیاتی منصوبہ متعارف کرایا جا رہا ہے۔
جلسے سے خطاب کرتے ہوئے انہوں نے علاقے میں امن کے قیام کے لیے قبائلی عمائدین کی کوششوں کو سراہا اور انہیں قابلِ قدر قرار دیا۔
ان کا کہنا تھا کہ پائیدار امن کے بغیر ترقی اور خوشحالی کا خواب پورا نہیں ہو سکتا، اسی لیے حکومت مستقل امن کے قیام کے لیے سنجیدہ اقدامات کر رہی ہے۔
انہوں نے مزید کہا کہ خطے میں امن اور استحکام کے لیے تمام طبقات کو متحد ہو کر مشترکہ کوششیں کرنا ہوں گی اور اس جدوجہد کو تسلسل کے ساتھ جاری رکھنا ہوگا۔
وزیراعلیٰ کے مطابق اس قبائلی پروگرام کے ذریعے ضم شدہ اضلاع میں بنیادی سہولیات کی فراہمی اور مختلف ترقیاتی منصوبوں پر کام تیز کیا جائے گا، جس سے علاقے کی مجموعی ترقی میں نمایاں بہتری آئے گی۔
