اسلام آباد – صدر مملکت عارف علوی جن سے عام انتخابات کی تاریخ کا اعلان متوقع تھا، نے وفاقی وزیر قانون احمد عرفان اسلم سے ملاقات کے بعد اعلان موخر کردیا۔
ملاقات میں صدر مملکت عارف علوی نے آئین کی بالادستی برقرار رکھنے کی ضرورت پر زور دیتے ہوئے کہا کہ فیصلے آئین کی روح کے مطابق ہونے چاہئیں۔ صدر مملکت ڈاکٹر عارف علوی سے نگراں وزیر قانون و انصاف احمد عرفان اسلم نے پیر کو اسلام آباد میں ملاقات کی۔ انہوں نے ملک میں عام انتخابات کے انعقاد سے متعلق کئی امور پر تبادلہ خیال کیا۔
Don’t forget to Subscribe our Youtube Channel & Press Bell Icon.
نگراں وزیر قانون و انصاف احمد عرفان اسلم کی صدر عارف علوی سے ملاقات ایک گھنٹے سے زائد جاری رہی۔ صدر مملکت ڈاکٹر عارف علوی نے نگراں وزیراعظم انوار الحق کاکڑ کے اس بیان کو بھی سراہا کہ ان کی حکومت عام انتخابات کے حوالے سے سپریم کورٹ کے فیصلے کی پاسداری کرے گی۔ صدر مملکت نے یہ بات نگران وفاقی وزیر قانون و انصاف سے ملاقات میں کہی۔
