راولپنڈی: پاک فوج کے سربراہ جنرل سید عاصم منیرنے مشترکہ مقاصد کے حصول کے لیے کثیر القومی فضائی مشقوں کی بنیادی اہمیت پر زور دیا ہے۔
آئی ایس پی آر کی طرف سے جاری ایک پریس ریلیز کے مطابق، ان ریمارکس کا اظہار انہوں نے پاکستان ایئر فورس کے آپریشنل ایئر بیس پر خطاب کرتے ہوئے کیا، انہوں نے فضائی مشق انڈس شیلڈ 2023 کا مشاہدہ کرنے کے لیے دورہ کیا۔
ترکی، آذربائیجان اور ہنگری کے ائیر چیف بھی ان معزز مہمانوں میں شامل تھے جنہوں نے پی اے ایف کی 14 ملکی میگا فضائی مشق کا مشاہدہ کیا۔
آرمی چیف نے مشق کے شرکاء کی پیشہ وارانہ مہارت کو سراہا اور ایئر پاور سنٹر آف ایکسی لینس کو اس کی جدید ترین سہولیات اور اتنے بڑے پیمانے پر فضائی مشق کے انعقاد میں اہم کردار ادا کرنے پر تعریف کی۔
Don’t forget to Subscribe our Youtube Channel & Press Bell Icon.
فضائی جنگ کی بدلتی ہوئی نوعیت کو تسلیم کرتے ہوئے، انہوں نے ایئر چیف مارشل ظہیر احمد بابر کے وژن کی حمایت کے لیے اپنے عزم کا اعادہ کیا تاکہ سائبر، مصنوعی ذہانت، آئی ٹی، خلائی اور نوو کے شعبوں میں اسمارٹ انڈکشن، جدید ترین ٹیکنالوجیز کو شامل کیا جائے۔قبل ازیں آرمی چیف کا استقبال پاک فضائیہ کے سربراہ ائیر چیف مارشل ظہیر احمد بابر نے کیا۔ بعد ازاں آرمی چیف کا غیر ملکی معززین اور پاک فضائیہ کے پرنسپل سٹاف آفیسرز سے تعارف کرایا گیا۔
اس موقع پر آرمی چیف نے معزز غیر ملکی شخصیات کے ہمراہ ایئر پاور سینٹر آف ایکسی لنس کی تربیتی سہولت اور مشق کے وسیع دائرہ کار کے بارے میں جامع بریفنگ حاصل کی جس کا مقصد فضائی جنگ کے باہمی تعاون کے جدید تصورات کو مستحکم کرنا ہے اور حصہ لینے والی فضائی افواج کے درمیان باہمی تعاون کو بڑھانا ہے۔
اس موقع پر خطاب کرتے ہوئے ائیر چیف نے جنرل سید عاصم منیر کی طرف سے پاک فضائیہ کی جدید کاری کی مہم میں بھرپور تعاون کی تعریف کی اور مستقبل کی فضائی جنگ کے پس منظر میں 14 اتحادی ممالک کی جانب سے بھرپور شرکت کو سراہا۔ مشق کی اہمیت پر روشنی ڈالتے ہوئے ائیر چیف نے زور دیا کہ مشق انڈس شیلڈ حصہ لینے والی فضائی افواج کے لیے اپنی بے مثال مہارت اور آپریشنل صلاحیتوں کا مظاہرہ کرنے کا ایک منفرد موقع فراہم کرتی ہے۔ انہوں نے پی اے ایف کے ایئر پاور سنٹر آف ایکسی لینس کی جانب سے اس میگا مشق کو کامیابی کے ساتھ ترتیب دینے، فضائی جنگی مشن کی باریک بینی سے نگرانی، طرز عمل اور تجزیہ کو یقینی بنانے کے لیے ادا کیے گئے متحرک کردار کو سراہا۔
