ابوظہبی :نگراں وزیراعظم انوارالحق حق کاکڑ نے ایک ویڈیو پیغام میں کہا ہے کہ پاکستان اور متحدہ عرب امارات نے مختلف شعبوں میں کئی ارب ڈالر کے مفاہمت کی یادداشتوں پر دستخط کیے ہیں۔ وزیراعظم نے مزید کہا کہ دونوں ممالک کے درمیان اقتصادی اور تزویراتی تعاون کو فروغ دیا جائے گا۔
وزیراعظم جو متحدہ عرب امارات کے دو روزہ دورے پر ہیں، نے کہا کہ مفاہمت کی یادداشتوں پر دستخط کے بعد دوطرفہ اقتصادی اور اسٹرٹیجک تعلقات دو طرفہ تعاون کے نئے دور میں داخل ہو گئے ہیں۔
Don’t forget to Subscribe our Youtube Channel & Press Bell Icon.
پاکستان اور متحدہ عرب امارات کے عوام کو مبارکباد دیتے ہوئے کاکڑ نے کہا کہ پاکستان کے ساتھ دوستی کی بنیاد جو شیخ زاید بن سلطان ال نہیان نے 1970 کی دہائی میں رکھی تھی اسے ان کے بیٹے شیخ محمد بن زید ال نہیان نے ایک نئے دور کی طرف لے گئے ہیں۔
اس موقع پر پاکستان کے آرمی چیف جنرل عاصم منیر اور وفاقی وزراء موجود تھے جبکہ دوسری جانب سے متحدہ عرب امارات کے تمام اہم وزراء بھی موجود تھے۔
وزیر اعظم کاکڑ نے امید ظاہر کی کہ دونوں ممالک کے درمیان جن مفاہمت کی یادداشتوں پر دستخط کیے گئے ہیں وہ بہت جلد ٹھوس منصوبوں میں تبدیل ہو جائیں گے۔
