فلپائن میں سمندری طوفان ٹرامی کی تباہ کاریاں جاری ، مختلف حادثات میں ہلاکتوں کی تعداد 100 سے تجاوز کر گئی۔
میڈیا رپورٹس کے مطابق رہائشی علاقوں میں طغیانی اور موسلا دھار بارشوں کے باعث نظام زندگی درہم برہم ہو گیا اور گھروں میں پانی جمع ہونے سے شہری گھروں کی چھتوں پر پھنس کر رہ گئے۔
رہائشی علاقوں میں سیلابی ریلے داخل ہونے سے سڑکیں تالاب کا منظر پیش کرنے لگیں۔ 40 افراد تاحال لاپتہ ہیں جن کی تلاش جاری ہے۔
فلپائنی حکام کا کہنا ہے کہ سمندری طوفان کے خطرے کے پیش نظر 5 لاکھ سے زائد افراد اپنا گھر بار چھوڑ چکے ہیں۔
