لاہور ہائیکورٹ نے پرویز الٰہی کو آج عدالت میں پیش کرنے کا حکم دے دیا۔
اسلام آباد ہائی کورٹ کی جانب سے پرویز الہی کی نظر بندی کو معطل کرنے اور رہائی کا حکم دینے کے چند گھنٹے بعد ہی پولیس نے منگل کو پاکستان تحریک انصاف (پی ٹی آئی) پارٹی کے صدر چوہدری پرویز الٰہی کو دوبارہ گرفتار کر لیا۔
اسلام آباد پولیس نے سابق وزیراعلیٰ پنجاب کو پولیس لائنز ہیڈ کوارٹر سے رہا ہونے کے فوراً بعد دوبارہ گرفتار کر لیا۔ پولیس نے انہیں ایک بار پھر پولیس لائنز ہیڈ کوارٹر کے مین گیٹ سے حراست میں لے کر نامعلوم مقام پر منتقل کر دیا۔
اسلام آباد پولیس کے ترجمان نے صحافیوں کو بتایا کہ کاؤنٹر ٹیررازم ڈیپارٹمنٹ (سی ٹی ڈی) نے چوہدری پرویز الٰہی کو تھانہ سی ٹی ڈی میں درج مقدمہ نمبر 3/23 میں مبینہ طور پر ملوث ہونے پر گرفتار کیا۔ اسلام آباد پولیس کے ہاتھوں پرویزالٰہی کی گرفتاری نے سوشل میڈیا پر پولیس کے خلاف تنقید کا طوفان برپا کردیا۔
پرویز الٰہی کے وکیل سردار عبدالرزاق نے صحافیوں سے گفتگو کرتے ہوئے اپنے موکل کے خلاف پولیس کارروائی کی مذمت کی۔ انہوں نے کہا کہ پولیس نے نہ صرف قانون اور انصاف کے نظام کا مذاق اڑایا بلکہ تمام حدیں پار کر دیں۔
Don’t forget to Subscribe our Youtube Channel & Press Bell Icon.
اس سے قبل اسلام آباد ہائی کورٹ نے ایم پی او کے سیکشن 3 کے تحت پرویز الٰہی کی نظر بندی کے احکامات کو معطل کرتے ہوئے ان کی رہائی کا حکم دیا تھا۔ جسٹس طارق محمود جہانگیری پر مشتمل اسلام آباد ہائی کورٹ کے سنگل بنچ نےپرویز الٰہی کی جانب سے وکیل سردار عبدالرازق خان کے ذریعے 3 ایم پی او کے تحت نظر بندی کو چیلنج کرنے والی درخواست کی سماعت کی۔
پرویزالٰہی کی رہائی کا حکم جاری کرنے کے علاوہ، بنچ نے کہا کہ ڈپٹی کمشنر، آئی سی ٹی، اسلام آباد اور درخواست گزار اگلی سماعت کی تاریخ پر ذاتی طور پر پیش ہوں۔ دلائل سننے کے بعد، بینچ نے کہا کہ پہلی نظر میں، یہ ثابت ہے کہ غیر قانونی حکم لاہور ہائی کورٹ کے حکم کی خلاف ورزی کرتے ہوئے منظور کیا گیا ہے۔
بینچ نے مزید کہا کہ بظاہر، درخواست گزار کو گرفتار کرنے والے افراد/اہلکار توہین عدالت کے مرتکب ہوئے ہیں، جس کے لیے معزز لاہور ہائی کورٹ، لاہور میں مناسب کارروائی شروع کر دی گئی ہے اور انسپکٹر جنرل آف پولیس کو نوٹسز جاری کر دیے گئے ہیں۔
جسٹس جہانگیری نے کہاکہ درخواست گزار کو ہدایت کی جاتی ہے کہ وہ اس بات کو یقینی بنائے کہ جیل سے رہائی کے بعد، وہ کسی غیر قانونی سرگرمی میں حصہ نہیں لے گا اور نہ ہی معاشرے میں عوامی تحفظ اور امن کے لیے نقصان دہ کسی سرگرمی میں حصہ ڈالے گا۔
