پاکستان تحریک انصاف نے آج کا احتجاج مؤخر کر دیا۔
ذرائع کا کہنا ہے احتجاج ملتوی کرنے کا فیصلہ پی ٹی آئی سیاسی کمیٹی کے اجلاس میں کیا گیا،ذرائع کے مطابق حکومت نے تحریک انصاف کو بانی پی ٹی آئی کے طبی معائنے کی پیشکش کی تھی۔
احتجاج مؤخر کرنے کا فیصلہ شنگھائی تعاون تنظیم کے اجلاس کے تناظر میں وسیع تر ملکی مفاد میں کیا گیا۔یاد رہے کہ پی ٹی آئی نے شنگھائی تعاون تنظیم کے سربراہی اجلاس کے موقع پر 15 اکتوبر کو ڈی چوک میں احتجاج کا اعلان کیا تھا۔
تحریک انصاف نےمطالبہ کیا تھا کہ بانی پی ٹی آئی سے ملاقات کرائی جائے تو 15 اکتوبر کو ڈی چوک پر احتجاج ملتوی کردیں گے۔
