الپائن کلب آف پاکستان کے مطابق خاتون کوہ پیما ثمینہ بیگ نے دنیا کے نویں بلند پہاڑ نانگا پربت کو سر کرلیا ہے۔
ثمینہ بیگ کے ساتھ نائلہ کیانی، واجد نگری سمیت 10 غیر ملکی و ملکی کوہ پیما گزشتہ روز صبح 11 بجے نانگا پربت کی انتہائی بلندی پر پہنچے تھے۔
ثمینہ بیگ اس سے قبل ماؤنٹ ایوریسٹ اور کے ٹو پہاڑ بھی سر کرچکی ہیں، انہیں پاکستان کی پہلی خاتون کوہ پیما کا اعزاربھی حاصل ہے۔
یاد رہے کہ گزشتہ روز ہی نائلہ کیانی نانگا پربت سر کرنے والی پہلی پاکستانی خاتون کوہ پیما بن گئیں تھیں۔
نائلہ کیانی صبح دس بج کر 18 منٹ پر 8,126 میٹر بلند نانگا پربت کے ٹاپ پر پہنچیں تھیں۔
نائلہ کیانی آٹھ ہزار میٹر سے بلند 7 چوٹیاں سر کرنے والی پہلی پاکستانی خاتون ہیں۔
