Premium Content

Add

سطح پر اور زیرِ آب چلنے والی جیٹ شارک کشتی

Print Friendly, PDF & Email

انجینئروں نے شارک جیسی ایک کشتی بنائی ہے جو پانی کی سطح پر اور زیرِ آب بآسانی سفر کر سکتی ہے۔

تخلیق کاروں کے مطابق جیٹ شارک کیو ماڈل نامی کشتی کا یہ نمونہ 72 کلو میٹر فی گھنٹہ کی رفتار سے سفر کر سکتا ہے لیکن مارکیٹ میں متعارف کروایا جانے والا ورژن 89 کلو میٹر فی گھنٹہ کی رفتار سے چلایا جا سکے گا۔

ایک اندازے کے مطابق جیٹ شارک جب فروخت کے لیے پیش کی جائے گی تو اس کی قیمت دو لاکھ ڈالرز سے تین لاکھ ڈالرز تک کے درمیان ہوگی۔

یہاں آپ کیلئے ایک اور دلچسپ رپورٹ ہے یہ بھی پڑھیں

نیوزی لینڈ سے تعلق رکھنے والے جیٹ شارک کمپنی کے بانی روب اِنیز گزشتہ 25 سال سے زائد عرصے سے منفرد انداز میں کشتیاں بنا رہے ہیں اور فروخت کر رہے ہیں۔

اس سے قبل وہ ’سی بریچر‘ کے شریک موجد تھے۔ دو سیٹوں والی یہ کشتی شارک، کلر وہیل یا ڈولفن کی صورت میں بنائی گئی تھی، لیکن روب اس کشتی میں مزید افراد کی گنجائش چاہتے تھے۔

کیو ماڈل 20 فِٹ لمبا ہے اور اس میں چار افراد سفر کر سکتے ہیں لیکن کمپنی اس کے سائز کو مزید بڑھانے کا ارادہ رکھتی ہے تاکہ چھ افراد کی جگہ بنائی جا سکے۔

روب اِنیز کے مطابق جیٹ شارک کا مقصد آرام دہ کشتی میں زیر آب منفرد تجربہ فراہم کرنا تھا۔

Leave a Comment

Your email address will not be published. Required fields are marked *

AD-1