لاہور: قومی اسمبلی کے حلقہ این اے 130 (لاہور) سے وزارت عظمیٰ کے امیدوار اور سابق وزیراعظم نواز شریف غیر سرکاری غیر حتمی نتائج کے مطابق جیت گئے۔
مسلم لیگ ن کے سربراہ نے 171,024 ووٹ حاصل کیے جبکہ پی ٹی آئی کی سابق وزیر اور آزاد امیدوار ڈاکٹر یاسمین راشد نے 115,043 ووٹ حاصل کیے۔
تاہم، نوازشریف کو قومی اسمبلی کے حلقے 15 مانسہرہ میں آزاد امیدوار کے خلاف شکست کا سامنا کرنا پڑا۔
غیر سرکاری نتائج کے مطابق شہزادہ گستاخ نے 74,713 ووٹ حاصل کیے جب کہ نواز شریف نے 63,054 ووٹ حاصل کیے۔
Don’t forget to Subscribe our Youtube Channel & Press Bell Icon.
دریں اثناء مسلم لیگ ن کے صدر شہباز شریف نے قومی اور پنجاب اسمبلیوں کے انتخابات میں کامیابی حاصل کر لی ہے۔ وہ قومی اسمبلی کے حلقہ 123 لاہورمیں جیت گئے۔
غیر حتمی غیر سرکاری نتائج کے مطابق نواز شریف کی صاحبزادی مریم نواز پنجاب اسمبلی کے حلقہ پی پی 159 لاہور سے 23 ہزار 598 ووٹ لے کر کامیاب ہوگئیں۔ دوسرے نمبر پر آزاد امیدوار مہر شرافت علی رہے جنہوں نے 21491 ووٹ حاصل کیے۔
غیر سرکاری غیر حتمی نتائج کے مطابق این اے 118 لاہور سے شہباز شریف کے صاحبزادے حمزہ 105960 ووٹ لے کر کامیاب ہوئے ہیں۔ ان کی حریف امیدوار عالیہ حمزہ نے 100,803 ووٹ حاصل کیے۔
