پاکستان پیپلز پارٹی کے امیدوار سید اویس قادر شاہ نے سندھ اسمبلی کے 12ویں اسپیکر کی حیثیت سے حلف اٹھا لیا۔
پولنگ اسپیکر آغا سراج درانی کی صدارت میں اسمبلی اجلاس میں ہوئی۔
پولنگ میں 147 میں سے سید اویس قادر شاہ نے 111 ووٹ حاصل کیے جبکہ ایم کیو ایم کی نامزد امیدوار صوفیہ شاہ نے36 ووٹ حاصل کیے۔
سندھ اسمبلی میں ڈپٹی اسپیکر کے لیے ہونے والی پولنگ میں پیپلز پارٹی کے نامزد امیدوار انتھونی نوید 111 ووٹ لے کر کامیاب قرار پائے جب کہ ان کے مدمقابل ایم کیو ایم پاکستان کے امیدوار نے 36 ووٹ حاصل کیے۔
بعد ازاں سپیکر کے طور پر اجلاس سے خطاب کرتے ہوئے اویس شاہ نے کہا کہ اس اسمبلی کا سپیکر منتخب ہونا ان کے لیے اعزاز کی بات ہے جس کی ایک شاندار تاریخ ہے۔
انہوں نے ان پر اعتماد کرنے پر پارٹی قائدین کا شکریہ ادا کیا۔ انہوں نے سندھ کے عوام اور اپنے حلقے کے لوگوں کا بھی شکریہ ادا کیا کہ انہوں نے اسمبلی میں ان کی نمائندگی کے لیے ان پر اعتماد کیا۔
Don’t forget to Subscribe our Youtube Channel & Press Bell Icon.
