وزیراطلاعات پنجاب عظمیٰ بخاری نے کہا ہے کہ ورکر کبھی لیڈر کی محبت میں ہتھیار لے کر نہیں آتا۔
وزیراطلاعات پنجاب عظمیٰ بخاری نے کہا کہ شیل اور افغانی شہریوں کو لے کر سیاسی ورکر کبھی نہیں آتا ہے۔
انہوں نے کہا کہ احتجاج میں 171 اہلکار زخمی ہوئے، یہ لوگ جنگیں لڑنے والی حکمت عملی کے ساتھ آئے تھے، سیاسی ورکر لاشیں گرانے کی پلاننگ کر کے نہیں آتے۔
انہوں نے مزید کہا کہ ہمارا سوال ہے جن کو لیکر آئےتھے انہوں نے گولی کیوں چلائی؟ ہمارے ملک میں سچ اورجھوٹ میں تمیز ختم ہوتی چلی جارہی ہے۔
انہوں نے کہا کہ لائٹیں بند کرنا ایک حکمت عملی ہوتی ہے، پولیس کی جانب سے کوئی فائرنگ نہیں ہوئی، فائرنگ مظاہرین کی جانب سے کی گئی، یہ لوگ لاشیں ڈھونڈ رہے ہیں۔
