صدر مملکت آصف علی زرداری نے اپنے پیغام میں کہا کہ پاکستان خطے میں امن و استحکام کا خواہاں ہے۔ ہم سب دہشت گردی کی لعنت کو ختم کرنے کے لیے سکیورٹی فورسز کے ساتھ ہیں۔ ادارے بھی دہشت گردی کو شکست دینے کے لیے پوری طرح تیار ہیں۔
وزیر اعظم شہباز شریف نے اپنے پیغام میں کہا کہ پاکستان کی تاریخ میں 6 ستمبر انتہائی اہمیت کا حامل ہے۔ یوم دفاع ہمارے دفاع اور استقلال کی علامت بن چکا ہے۔ ہماری افواج کا حوصلہ اور فرض سے لگن ہی پاکستان کی سلامتی کی بنیاد ہے۔
انہوں نے کہا کہ شہدا کی قربانیوں کی بدولت ہم آزاد اور خود مختار مملکت میں زندگی گزار رہے ہیں۔ شہدا کے جذبے کو اپنے دلوں میں بسا کر ہی پاکستان کا تحفظ کیا جاسکتا ہے۔
