ڈی آئی خان میں سکیورٹی فورسزنے کامیاب آپریشن کرتے ہوئے 10 خارجی ہلاک کردیئے۔
پاک فوج کے شعبہ تعلقات عامہ (آئی ایس پی آر) کے مطابق فائرنگ کے تبادلے میں کیپٹن حسنین اختر شہید ہوئے، ہلاک خارجیوں سے اسلحہ اورگولہ بارود برآمد ہوا ہے۔
آئی ایس پی آرکا کہنا ہے کہ ہلاک خارجی سکیورٹی فورسز پر حملے اور عام شہریوں کے قتل میں ملوث تھے، علاقے میں ممکنہ خوارج کے خاتمے کیلئے کلیئرنس آپریشن ہو رہا ہے۔
پچیس سالہ کیپٹن حسنین اختر شہید کا تعلق ضلع جہلم سے ہے، کیپٹن حسنین اختر شہید نے 4 سال دفاع وطن کا فریضہ سرانجام دیا، کیپٹن حسنین اختر شہید نے سوگواران میں والدین اور بہن بھائی چھوڑے ہیں۔
