ملک میں ماہ شعبان المعظم کا چاند نظر آگیا،شب برات13 فروری کو ہوگی۔
ماہ شعبان کے چاند کی رویت سے متعلق مرکزی رویت ہلال کمیٹی کا اجلاس چیئرمین مولانا سید محمد عبد الخبیر آزاد کی زیر صدارت ہوا، اس کے علاوہ زونل رویت ہلال کمیٹیوں کے بھی اجلاس ہوئے۔
اجلاس کے بعد مولانا عبدالخبیر آزاد نے اعلان کیا کہ ملک کے اکثر و بیشتر مقامات پر مطلع صاف اور کچھ جگہوں پر آبر آلود رہا،تھر سے چاند نظر آنے کی شہادتیں موصول ہوگئی ہیں ،یکم شعبان المعظم 31 جنوری 2025 بروز جمعتہ المبارک ہوگی جبکہ شب برات13 فروری کو ہوگی۔
مولانا عبدالخبیر آزاد نے ملکی سلامتی، فلسطینی بھائیوں کی مشکلات کے حل کیلئے خصوصی دعا کی، اس کے علاوہ باران رحمت کیلئے بھی خصوصی اجتماعی دعا کی گئی۔
