شمالی وزیرستان، سکیورٹی فورسز کی کارروائیاں،9خارجی ہلاک

شمالی وزیرستان میں سکیورٹی فورسز کی 2مختلف کارروائیوں کے دوران 9خارجی ہلاک ہوگئے جبکہ 4 کو زخمی حالت میں گرفتار کرلیا گیا۔

آئی ایس پی آر کے مطابق دوسلی میں آپریشن کے دوران 6خارجی ہلاک، 2زخمی حالت میں گرفتارکرلئے گئے ،آپریشن کے دوران خوارج کے ٹھکانوں کو مؤثر طریقے سے نشانہ بنایا گیا۔

دوسراانٹیلی جنس بیسڈ آپریشن شمالی وزیرستان کے علاقے ایشام میں کیا گیا ،ایشام میں آپریشن کےدوران 3خارجی ہلاک ، 2زخمی حالت میں گرفتارکرلئے گئے۔

ہلاک خارجی دہشت گردوں کے قبضے سے اسلحہ اور گولہ بارود برآمد  ہوا،جو سکیورٹی فورسز اور شہریوں کیخلاف دہشت گردی کی کارروائی میں ملوث تھے،علاقے میں کلیئرنس آپریشن جاری ہے،سکیورٹی فورسز ملک سے دہشت گردی کے خاتمے کیلئے پرعزم ہیں۔

وزیرداخلہ نے شمالی وزیرستان میں خوارج کیخلاف کامیاب آپریشنز پر سکیورٹی فورسز کی ستائش کی ،انہوں نے کہا کہ 9خوارج کو ہلاک کرنے پر سکیورٹی فورسز کو خراج تحسین پیش کرتے ہیں۔

سکیورٹی فورسز نے ایک بار پھر دہشت گردوں کے مذموم عزائم کو ناکام بنایا،قوم دہشت گردی کیخلاف جنگ میں سکیورٹی فورسز کے شانہ بشانہ کھڑی ہے۔

Leave a Comment

Your email address will not be published. Required fields are marked *

Latest Videos