بانی پی ٹی آئی عمران خان کے کانوں کے طبی معائنے کے لیے پمز اسپتال کے ڈاکٹروں کی 4 رکنی ٹیم اڈیالہ جیل پہنچی۔
جیل ذرائع کے مطابق ڈاکٹروں کی ٹیم میں ڈاکٹر الطاف حسن، ڈاکٹر عمر فاروق، ڈاکٹر علی عارف اور ڈاکٹر تاشفین امتیاز شامل تھے۔ ڈاکٹروں کی ٹیم نے تقریباً آدھا گھنٹہ بانی پی ٹی آئی کا طبی معائنہ کیا اور انہیں کچھ ادویات تجویز کیں۔
ذرائع کا کہنا ہے کہ بانی پی ٹی آئی کو کانوں کی بیماری ٹنی ٹس کی شکایت ہے ، ڈاکٹروں کی ٹیم عمران خان کی صحت سے متعلق رپورٹ مرتب کرے گی۔
