وائٹ ہاؤس نے منگل کو کہا کہ امریکہ غزہ سے باہر فلسطینیوں کی کسی بھی جبری نقل مکانی کی حمایت نہیں کر رہا ہے۔
قومی سلامتی کونسل کے ترجمان جان کربی نے ایک بریفنگ میں صحافیوں کو بتایا، ہم غزہ میں شہریوں اور وہاں سے جانے کے خواہشمندوں کے لیے محفوظ راستے کی کوششوں کی حمایت کر رہے ہیں اور یہ واضح کر رہے ہیں کہ ہم غزہ سے باہر فلسطینیوں کی جبری نقل مکانی کی حمایت نہیں کریں گے۔
بائیڈن انتظامیہ امریکی شہریوں کی حفاظت کو یقینی بنانے پر خصوصی توجہ کے ساتھ غزہ چھوڑنے والے افراد کے لیے محفوظ راہداری کی ضمانت دینا چاہتی ہے۔
کربی نے کہا کہ امریکہ پانی اور ایندھن کی فراہمی سمیت ضروری خدمات کی بحالی کے لیے دباؤ ڈال رہا ہے۔
غزہ میں شہریوں کی ہلاکتوں کی بڑھتی ہوئی تعداد کے علاوہ، اسرائیلی ناکہ بندی نے انکلیو کو ایندھن، بجلی اور پانی کی فراہمی سے بھی محروم کر دیا ہے۔
انہوں نے بتایا کہ گزشتہ 24 گھنٹوں میں خوراک، پانی اور ادویات سمیت انسانی امداد کے 66 ٹرک غزہ میں داخل ہوئے ہیں۔
Don’t forget to Subscribe our Youtube Channel & Press Bell Icon.
اقوام متحدہ کے سربراہ انتونیو گوٹیرس نے منگل کو فوری طور پر انسانی بنیادوں پر جنگ بندی اور غزہ میں ہونے والی تباہی سے پیدا ہونے والی ہنگامی ضروریات کو پورا کرنے کے لیے بلا رکاوٹ انسانی رسائی کے مطالبے کا اعادہ کیا۔
انہوں نے متنبہ کیا کہ اس وقت تک غزہ میں انسانی امداد کی جس سطح کی اجازت دی گئی ہے وہ مکمل طور پر ناکافی ہے اور غزہ کے لوگوں کی ضروریات کے مطابق نہیں ہے، جس سے انسانی المیہ مزید بڑھ گیا ہے۔
اسرائیلی فوج نے غزہ کی پٹی پر اپنے فضائی اور زمینی حملوں کو بڑھا دیا ہے، جو فلسطینی مزاحمتی گروپ حماس کی طرف سے7 اکتوبر میں کیے جانے والے اچانک حملے کے بعد سے مسلسل فضائی حملوں کی زد میں ہے۔
اس کے بعد سے اب تک اس تنازعے میں 10,000 سے زیادہ افراد مارے جا چکے ہیں جن میں 8,525 فلسطینی اور 1,538 اسرائیلی شامل ہیں۔
