Premium Content

ایپل اور سام سنگ نے گیلے فونز کو خشک کرنے کے لیے طریقہ بتا دیا

Print Friendly, PDF & Email

آج کل ہر کسی کے پاس اسمارٹ فون ہے اور ان کا گیلا ہونا ایک عام واقع بن گیا ہے لیکن اس کو خشک کرنے کا کوئی صحیح طریقہ نہیں جانتا۔

انٹرنیٹ پر اس حوالے سے بہت سارے مشورے موجود ہیں لیکن وہ کتنے مستند ہیں ان کے بارے میں کہنا مشکل ہے۔ ایپل نے حال ہی میں خود کو اس بحث میں اس وقت شامل کیا جب اس نے ایک وارننگ جاری کی جس میں آئی فونز کو چاولوں میں سکھانے کیلئے رکھے جانے کے خلاف انتباہ تھا۔

درج ذیل طریقوں سے فون کو خشک کیا جا سکتا ہے:۔

تولیہ یا صاف کپڑے سے بیرونی حصے کو خشک کریں۔ سم کارڈ اور ہولڈر نکالیں اور اگر ممکن ہو تو فون کا پچھلا کوَر اور بیٹری بھی نکال کر خشک کریں ۔ اس کے علاوہ فون کو بند کر دیں۔ تاہم لیکن آئی فونز کو کھولا نہیں جا سکتا، اس لیے ایپل تجویز دیتا ہے کہ اسے آپ اپنے ہاتھ پر آہستہ سے اس طرح ماریں کہ چارجنگ اور ہیڈفونز کی پورٹس نیچے کی طرف ہوں تاکہ پانی باہر نکل سکے۔

 سام سنگ ہیڈفونز جیک اور چارجنگ پورٹ سے نمی نکالنے کے لیے کاٹن بڈ استعمال کرنے کی تجویز دیتا ہے جبکہ ایپل اس کے خلاف ہے۔

اگر فون پانی کے علاوہ کسی دوسرے قسم کے مائع میں گرا ہو جیسے کولڈڈرنک، سمندری پانی یا کلورین شدہ پانی وغیرہ، تو سام سنگ فون کو صاف پانی میں چند منٹ کے لیے بھگونے کا مشورہ دیتا ہے تاکہ کسی بھی قسم کی ملاوٹ یا نمکیات صاف ہوجائیں۔

گوگل کا کہنا ہے کہ ڈیوائس کو خشک کرنے کیلئے اسے کمرے کے درجہ حرارت پر ہی رکھا جائے۔

علاوہ ازیں فون کو خشک کرنے کے لیے ایک بہترین آپشن سلیکا جیل بھی ہے، یہ ایک خشک کرنے والا ایجنٹ ہے جو بہت زیادہ نمی جذب کرتا ہے۔ سلیکا جیل عام طور پر پیکٹ میں آتا ہے۔ یہ گوشت، سمندری غذاؤں یا جوتوں جیسی مصنوعات کے ساتھ بھی آتا تاکہ انہیں خشک رکھا جاسکے۔

آپ اسے آن لائن بھی خرید سکتے ہیں۔ فونز کو خشک کرنے کیلئے یہ سب سے بہتر کام اس وقت کرتا ہے جب اسے فون کے ساتھ کسی ایئر ٹائٹ ڈبے میں رکھ دیا جائے۔

Don’t forget to Subscribe our Youtube Channel & Press Bell Icon.

Leave a Comment

Your email address will not be published. Required fields are marked *

Latest Videos