جنوبی کوریا کے پراسی کیوٹر نے سابق صدر یون سک یول پر بغاوت کے الزام میں فرد جرم عائد کر دی گئی ، گزشتہ ہفتے اینٹی کرپشن نے فرد جرم عائد کرنے کی سفارش کی تھی۔
یاد رہے کہ جنوبی کوریا کے سابق صدر یون سک یول نے 3 دسمبر کو ملک میں مختصر مارشل لاء لگایا تھا تاہم اپوزیشن جماعتوں اور عوام کے شدید ردعمل کے باعث کچھ گھنٹوں بعد ہی مارشل لاء اٹھا لیا تھا۔
بعد ازاں اپوزیشن کی جانب سے یون سک یول کے خلاف مواخذے کی تحریک لائی گئی تھی جو پہلی مرتبہ ناکام رہی تاہم دوسری بار اپوزیشن پارلیمنٹ سے تحریک منظور کروانے میں کامیاب رہی تھی۔
جنوبی کوریا کے تحقیقاتی اداروں نے یون سک یول کے خلاف بغاوت اور اختیارات کے ناجائز استعمال کی تحقیقات شروع کر رکھی تھیں ، سابق صدر کو چند روز قبل گرفتار کیا گیا تھا۔