Premium Content

پنجاب پولیس کا اپوزیشن لیڈر عمر ایوب کے گھر پر چھاپہ

Print Friendly, PDF & Email

اسلام آباد: پنجاب پولیس نے اتوار کو قومی اسمبلی میں اپوزیشن لیڈر عمر ایوب کی گرفتاری کے لیے ان کے گھر پر چھاپہ مارا۔

میانوالی پولیس کے دستے نے اسلام آباد پولیس کے ساتھ مل کر وفاقی دارالحکومت میں ایف 10 میں پی ٹی آئی رہنما کی رہائش گاہ پر چھاپہ مارا۔

عمرایوب نے سوشل میڈیا ویب سائٹ ایکس پر لکھا کہ سرگودھا اے ٹی سی (انسداد دہشت گردی کی عدالت) نے ان کے قابل ضمانت وارنٹ جاری کیے ہیں۔

عمرایوب نے لکھا، وفاقی اور پنجاب حکومتیں، فارم 47 کی بنیاد پر بنائی گئی ہیں، قومی اسمبلی کے اپوزیشن لیڈر کو گرفتار کرنے کے لیے بے چین ہیں۔

اپوزیشن لیڈر نے کہا کہ چھاپے نے ثابت کر دیا کہ ملک میں قانون کی حکمرانی نہیں ہے۔ انہوں نے کہا کہ میں واضح کر دوں کہ عمران خان کے وزیراعظم بننے تک ہماری جدوجہد جاری رہے گی۔

واضح رہے کہ عمرایوب انسداد دہشت گردی کے مقدمے میں مطلوب ہیں۔

Don’t forget to Subscribe our Youtube Channel & Press Bell Icon.

Leave a Comment

Your email address will not be published. Required fields are marked *

Latest Videos