پی ٹی آئی مذاکراتی کمیٹی کے ترجمان صاحبزادہ حامد رضا نے کہا ہے کہ عمران خان کی رہائی کسی ڈیل کے تحت نہیں چاہتے،وہ تمام مقدمات کا سامنا کرنے کے بعد ہی باہر آئیں گے۔
سابق وزیراعظم سے اڈیالہ جیل میں ملاقات کے بعد کمیٹی کے ممبران کے ہمراہ گفتگو کرتے ہوئے انہوں نےکہا کہ بانی پی ٹی آئی سے مذاکراتی کمیٹی نے ملاقات کی،مذاکرات میں ہمارے صرف 2مطالبات ہیں۔
حکومت سے مذاکرات کیلئے ٹائم فریم رکھا گیا ہے ،31جنوری 2025تک مذاکرات کو منطقی انجام تک پہنچانا چاہتے ہیں،پہلی بار کسی جماعت کو اس طرح انتقامی کارروائی کانشانہ بنایا گیا ہے۔
بانی پی ٹی آئی سے وزیراعلیٰ خیبرپختونخوا علی امین گنڈا پور نے بھی ملاقات کی،علی امین گنڈا پور اورعمران خان کی ملاقات تقریباً ڈھائی گھنٹے جاری رہی۔
