امریکی ریاست ہوائی میں آگ سے اموات کی تعداد 67 ہو گئی ہے۔
گورنر ہوائی کے مطابق یہ ریاست ہوائی کا بدترین قدرتی سانحہ ہے، جلے ہوئے گھروں میں اب بھی کئی افراد کی لاشیں موجود ہوسکتی ہیں۔
ذرائع کا کہنا ہے کہ آگ سے سیکڑوں مکانات اور عمارتیں مکمل طور پر جل گئی ہیں، طوفانی ہواؤں کی وجہ سے آگ بجھانے میں شدید مشکلات کا سامنا ہے۔
جنگلات میں لگی آگ سے تاریخی سیاحتی مقام بھی جل کر تباہ ہو گیا۔ امریکی صدر جوبائیڈن نے جنگلات میں آگ کو بڑا سانحہ قرار دے دیا ہے۔
