چیئرمین تحریک انصاف عمران خان کا کہنا ہے کہ ایک عجیب ایف آئی آر میں اسلام آباد ہائی کورٹ میں پیشی ہے۔
عمران خان نے اپنے بیان میں کہا کہ اس ایف آئی آر سے ثابت ہوتا ہے کہ ہم جنگل کے قانون کے نیچے ہیں، طاقتور اور خود کو قانون سے بالا تر سمجھنے والوں نے میرے خلاف غداری کا مقدمہ کرایا۔
عمران خان نے اپنی ٹوئٹ میں کہا کہ توہینِ ڈرٹی ہیری اور توہینِ سائیکوپیتھ پر میرے خلاف غداری کا مقدمہ کیا گیا۔
https://www.daraz.pk/shop/3lyw0kmd
پی ٹی آئی کی لیگل ٹیم کا کہنا ہے کہ عسکری حکام پر الزامات کے تناظر میں عمران خان بغاوت پر اکسانے کے کیس میں عبوری ضمانت کیلئے آج اسلام آباد آئیں گے، عمران خان کی لاہور ہائیکورٹ سے حاصل کردہ حفاظتی ضمانت 26 اپریل کو ختم ہوچکی ہے۔
عمران خان کے خلاف مجسٹریٹ کی مدعیت میں تھانہ رمنا میں مقدمہ درج ہے۔
دوسری جانب ترجمان اسلام آباد پولیس کا کہنا ہے کہ عمران خان کی عدالت پیشی پر مؤثر سکیورٹی اقدامات کیے جائیں گے، ایف آئی آر قانون کے مطابق درج ہوتی ہیں جن کا فیصلہ عدالت کرتی ہے۔
ترجمان پولیس کا کہنا ہے کہ قانون کی نظر میں کسی کو کوئی امتیازی حیثیت حاصل نہیں، امید ہے کہ عمران خان اور ان کے ساتھی عدالت پیشی پرقانون کا احترام کریں گے۔
