جنوبی وزیرستان میں سکیورٹی چیک پوسٹ پر خوارج نے حملے کی کوشش کی جسے ناکام بنا دیا گیا۔ سکیورٹی فورسز کی کارروائی کے دوران 8 خارجی ہلاک ہوگئے جب کہ پاک فوج کے 16 جوان حملے میں شہید ہو گئے۔
پاک فوج کے شعبہ تعلقات عامہ آئی ایس پی آر کے مطابق سکیورٹی فورسز نے دہشت گردوں کا حملہ موثر طریقے سے ناکام بنایا۔سکیورٹی فورسز کی کارروائی کے نتیجے میں 8 خارجی دہشت گرد جہنم واصل ہو گئے۔
آئی ایس پی آر کے مطابق خارجیوں سے شدید جھڑپ کے دوران دھرتی کے 16 بہادر سپوتوں نے جام شہادت نوش کیا۔
آئی ایس پی آر کا کہنا ہے کہ علاقے میں ممکنہ خوارجیوں کےخاتمے کےلیے کلیئرنس آپریشن جاری ہے۔سکیورٹی فورسزدہشت گردی کےخاتمے کےلیے پرعزم ہیں۔
انہوں نے بتایا کہ بہادرجوانوں کی یہ قربانیاں ہمارے عزم کومزید تقویت دیتی ہیں۔
