لاہور میں لاری اڈہ بس اسٹینڈ کے قریب چائے کے ہوٹل میں گیس سلنڈر دھماکے سے 13 افراد زخمی ہوگئے۔
تفصیلات کے مطابق افسوسناک واقعہ مقامی چائے کے ہوٹل میں اس وقت پیش آیا جب سلنڈر پھٹنے سے 13 افراد زخمی ہوگئے۔
ذرائع کا کہنا ہے کہ معمولی زخمی ہونے والے سات افراد کو موقع پر ہی ابتدائی طبی امداد دی گئی جب کہ چھ افراد کو تشویشناک حالت میں قریبی ہسپتال منتقل کر دیا گیا۔
اس سے قبل مٹیاری ضلع کے نیوسعیدآباد میں گیس سلنڈر کے دھماکے میں کم از کم چار مزدور جاں بحق ہو گئے تھے۔
ذرائع کے مطابق گیس سلنڈر دھماکا آئس فیکٹری میں اس وقت ہوا جب مزدور اپنے روزمرہ کے کام کر رہے تھے۔
جس کے نتیجے میں 3 افراد موقع پر ہی جاں بحق جبکہ ایک شدید زخمی ہو گیا جسے ہسپتال منتقل کر دیا گیا۔ بعد ازاں زخمی کارکن بھی زخموں کی تاب نہ لاتے ہوئے دم توڑ گیا۔
واقعے کے فوری بعد امدادی ٹیمیں موقع پر پہنچ گئیں اور علاقے کو گھیرے میں لے لیا۔ دریں اثناء پولیس نے واقعہ کی تحقیقات شروع کر دیں۔
Don’t forget to Subscribe our Youtube Channel & Press Bell Icon.
