چیف آف آرمی سٹاف جنرل سید عاصم منیر نے ایرانی صدر ڈاکٹر سید ابراہیم رئیسی سے ملاقات کی۔
بات چیت میں بنیادی طور پر باہمی دلچسپی کے امور خاص طور پر علاقائی امن، استحکام اور سرحدی سلامتی پر توجہ مرکوز کی گئی۔
دونوں فریقوں نے علاقائی استحکام اور اقتصادی خوشحالی کے لیے مشترکہ کوشش کرتے ہوئے دوطرفہ تعاون کو فروغ دینے کی ضرورت پر اتفاق کیا۔
آرمی چیف نے پاک ایران سرحد کو امن اور دوستی کی سرحد قرار دیا۔
انہوں نے دہشت گردوں کو دونوں پڑوسی ممالک کے درمیان دیرینہ برادرانہ تعلقات کو خطرے میں ڈالنے سے روکنے کے لیے سرحد پر بہتر رابطہ کاری کی ضرورت پر زور دیا۔
صدر ابراہیم رئیسی نے اس بات پر زور دیا کہ دونوں مسلح افواج کے درمیان تعاون کو فروغ دے کر پاکستان اور ایران دونوں اقوام اور خطے کے لیے امن و استحکام حاصل کر سکتے ہیں۔
Don’t forget to Subscribe our Youtube Channel & Press Bell Icon.
